Prosjekt
Her legg me inn prosjekt me jobbar med
Redningsaksjon stadeigen natur
Naturverkstaden har ansvar for prosjektleiing og koordinering av prosjektet Redningsaksjon stadeigen natur i Voss herad.
Prosjekt i regi av Voss naturvernlag
Før Gudrun og Benedicte starta Naturverkstaden AS har dei begge leia prosjekt knytt til naturrestaurering i regi av Voss naturvernlag.
I 2023 starta Gudrun eit prosjekt for å engasjere Folkedal i å fjerne Kjempespringfrø. Det resulterte i den såkalla Folkedalsmodellen, og gjennom iherdig innsats av innbyggjarane med Gudrun i spissen, har ein klart å få kontroll på planta. Les meir her.
I 2024 og 2025 leiar Benedicte prosjektet Eit villare Voss gjennom Voss naturvernlag. Prosjektet er støtta av Voss sparebank og Sparebankstiftinga Hardanger, og har fokus på enkel naturrestaurering med elevar, fortrinnsvis på Voss vidaregåande skule og Voss gymnas. Undervisning, fjerning av framande artar og etablering av blomeeng er mellom tiltaka. Eng skal hausten 2025 etablerast gjennom ulike metodar, mellom anna høymetoden med høy frå slåttemark med stadeigne artar på Gjerdårker, ved bruk av pluggplantar og gjennom å så inn frø. Prosjektet gjennomførast i samarbeid med Voss herad, og er forankra i temaplan for Naturmangfald.
Det praktiske arbeidet byggjer på oppgåva i Restaureringsøkologi ved NMBU; Eit villare Voss.
Frå før har Benedicte arrangert fleire enkeltdugnadar på Voss med fjerning av Haglupin.
